Пры запуску бразера Tor вы ўбачыце вакно Падлучыцца да Tor.
Гэта прапануе вам варыянт або наўпрост падлучыцца да сеткі Tor, або наладзіць браўзер Tor для вашага злучэння.
Ёсць опцыя з пытаннем, ці хочаце вы заўсёды аўтаматычна падлучацца да сеткі Tor: калі гэта так, пастаўце адзнаку.
ЗЛУЧЭННЕ
У большасці выпадкаў, калі выбраць "Падлучыцца", гэта дазволіць вам падлучыцца да сеткі Tor без дадатковай канфігурацыі.
Пасля націскання з'явіцца радок стану, які паказвае прагрэс падлучэння Tor.
Калі ў вас адносна хуткае злучэнне, але выглядае, што радок стану завіс ў пэўны момант, паспрабуйце "Памочнік падлучэння" або наведайце старонку Выпраўленне памылак, каб атрымаць дапамогу ў вырашэнні праблемы.
Або, калі вы ведаеце, што ваша злучэнне падлягае цэнзуры або выкарыстоўвае проксі, вам варта націснуць "Наладзіць злучэнне".
ПАМОЧНІК ПАДЛУЧЭННЯ
Калі ў месцы вашага знаходжання Tor заблакаваны, выкарыстанне мосту можа дапамагчы. Памочнік падлучэння можа выбраць для вас мост з улікам вашага месцазнаходжання.
Калі Памочнік падлучэння не можа вызначыць ваша месцазнаходжанне або вы хочаце замест гэтага наладзіць злучэнне ўручную, вы можаце выбраць свой рэгіён з выпадальнага меню і націснуць "Паспрабаваць мост".
КАНФІГУРАВАЦЬ
Браўзер Tor правядзе вас праз шэраг варыянтаў канфігурацыі.
Памочнік падлучэння інфармуе вас пра стан вашага інтэрнэт-злучэння і падлучэння да сеткі Tor.
Першая адзнака - "Хуткі старт". Калі яе выбраць, кожны раз, калі вы адкрываеце браўзер Tor, ён будзе спрабаваць падлучацца з выкарыстаннем вашых папярэдніх наладаў сеткі.
Калі вы ведаеце, што ваша злучэнне падлягае цэнзуры, або вы спрабавалі і не змаглі падлучыцца да сеткі Tor, і ніякія іншыя рашэнні не спрацавалі, вы можаце наладзіць браўзер Tor на выкарыстанне дадатковага перадатчыка.
У "Мастах" ёсць раздзел Абыход блакаванне, каб канфігураваць дадатковыя перадатчыкі або падключыцца з дапамогай Мастоў.
ІНШЫЯ ВАРЫЯНТЫ
Калі ваша злучэнне выкарыстоўвае проксі, вы можаце наладзіць яго, націснуўшы "Налады..." насупраць "Наладзіць падлучэнне браўзеру Tor да Інтэрнэту".
У большасці выпадкаў у гэтым няма неабходнасці. Як правіла, вы будзеце ведаць, ці трэба вам паставіць адзнаку тут, паколькі тыя ж налады будуць выкарыстоўвацца для іншых браўзераў у вашай сістэме.
Калі гэта магчыма, звярніцеся па параду да адміністратара сеткі.
Калі ваша злучэнне не выкарыстоўвае проксі, націсніце "Падлучыцца".
